「唔好剩係睇陣營利益,而係對香港好。」

* * *

問:你揀左邊個候選人?

鄺葆賢:我投左姚松炎。

睇番過往一年,佢睇文件嘅能力同喺議會嘅質詢,能夠講到大家平時唔太清楚嘅嘢,比如工程招標同一地兩檢,畀左更多唔同嘅角度同材料。

佢寫啲嘢好多字,我地就簡化帶落區,喺街站講畀街坊知。依啲嘢剩係我地做唔到。

我明白唔同陣營唔會完全重疊。佢嘅表達能力仍有進步空間,我都向佢表達過唔同意見。但佢做到嘢,畀我地有 cross reference,有更多議題同方向,唔同陣營都用得到。

議員嘅工作應該係監督政府,而唔止係對家議員。但而家 facebook 啲片,笑對家議員多過質詢政府。

我地唔應該咁圍爐。姚喺議會有好好嘅作用,唔會為求上幾秒新聞,為求剪條片笑建制,剩係識講啲 sound bite。

我地要搵出政府點樣蒙混我地。如果冇人搞清楚,好多議案眼白白就過左。專業知識同肯落力都好重要。

如果要投個含淚嘅人,點解唔喺含淚之前做更多?九西民主派同建制派嘅票數唔係差好多,未必贏得到。所以要搵最有能力嘅人選。

姚松炎係最有可能贏到鄭泳舜嘅人。始終佢嘅光譜比傳統泛民闊啲,吸引到其他人睇佢嘅優點而投票。

「幫港出聲」同「港人港地」,每日出嘅 posts 都集中火力打姚松炎--你知道佢地最驚邊個。如果你想佢地唔開心嘅話,咪投姚松炎囉。

* * *

問:九西冇本土派參選,你有冇意見或者失望?

鄺葆賢:有啲嘢冇得勉強,每個人都有自己嘅顧慮。

本土派有人考慮過參選,但如果冇合適人選,特登派人出選亦未必係好事。

冇代表出嚟係失望嘅。有梗係最好,但如果冇嘅話,就要求自己做得更好,變得更強大。

過去兩年經過好多選舉,好多件事,大家面對日以繼夜嘅工作,其實好攰,冇好好嘅機會整理沉澱。

當然有議席有資源可以做更多嘢,但冇亦唔等於本土會消失。本土好實在,當我地日常生活受到壓迫,本土就會以唔同嘅形態出現。

我地亦需要唔同嘅養分--可以係識更多嘅人,讀更多嘅書,見更多世面。好多方面我地都可以繼續成長,唔會因為達成唔到咩就「冇架喇」。

到最後我地要問番自己,究竟件事係對陣營好定香港好。

我地之所以抗拒某啲派別,就係因為佢地睇得自己比香港大,只係為左壯大自己,而冇睇其他嘢。

相信本土理念嘅人,其實都係為香港好。

* * *

後記

鄺葆賢是在醫院放工後,沒有睡覺,逕到黃埔開街站呼籲投票。拍照前她好著緊筆者要站遠一點,「唔好影到黑眼圈!」

26230602_996685460470399_4755542834774085911_n

原文載於作者FB